Пиварница се гради во највинарскиот крај

Bez autora

Jan 12 2014

Пиварница се гради под Kожув, во кавадаречкото село Мрежичко, а Kавадарци, освен град на виното, ќе стане и град на пивото. Информацијата ја потврди Митко Јанчев, сопственик на компанијата „Kожувчанка“. Да, точно е. Пиварница се гради и во април го очекуваме првото производство. Ќе почнеме со производство на 5 милиони литри за почеток за да стекнеме искуство во оваа работа, која е нова за нас, и да се согледаат состојбите за самата продажба на готовиот производ. Доколку с`оди според планот и предизвикаме интерес со нашето пиво и тргне продажбата, најавуваме и поголема пиварница во градот Kавадарци со капацитет од 25 милиони литри. Таа би била изградена за две-три години. За почеток, предвидуваме околу 25 вработувања, а за неколку години и стотина, откри Јанчев.

Пиварница се гради под Kожув, во кавадаречкото село Мрежичко, а Kавадарци, освен град на виното, ќе стане и град на пивото, дознава „Дневник“. Информацијата ја потврди Митко Јанчев, сопственик на компанијата „Kожувчанка“.

- Да, точно е. Пиварница се гради и во април го очекуваме првото производство. Ќе почнеме со производство на 5 милиони литри за почеток за да стекнеме искуство во оваа работа, која е нова за нас, и да се согледаат состојбите за самата продажба на готовиот производ. Доколку с`оди според планот и предизвикаме интерес со нашето пиво и тргне продажбата, најавуваме и поголема пиварница во градот Kавадарци со капацитет од 25 милиони литри. Таа би била изградена за две-три години. За почеток, предвидуваме околу 25 вработувања, а за неколку години и стотина - откри Јанчев.

Тој кажа дека ќе се прави пиво по германска лиценца, но брендот и името ќе бидат македонски, наменети за македонскиот пазар. Новиот пијалак ќе го носи името „македонско пиво“. Репроматеријалите и сите дополнителни суровини ќе се увезуваат од Германија. Фабриката за пиво ќе биде во поранешните простории на фабриката за вода „Римјанка“, кои ќе бидат проширени.

- Во овој бизнис вложуваме сопствени пари, но имаме и партнер од Германија. Првичната инвестиција во Мрежичко ќе чини приближно милион и двесте илјади евра. Новото пиво први ќе имаат можност да го пробаат кавадарчани. Ќе биде полесно пастеризирано и со висок квалитет, нема да биде само хемија. Најавувам уникатен вкус, во кој ќе може да се ужива - рече сопственикот на компанијата, која произведува вода, а ја има и лиценцата за „синалко“ во Македонија.

Го прашавме дали пивото произведено под Kожув ќе биде конкуренција за винарите со оглед на тоа што пиварницата никнува во највинарскиот крај на државата.

- Нашата пиварница ќе биде конкуренција на пиварите. Во неа на посебен начин ќе се негува пивото со цел тоа да биде што повеќе барано на пазарот - рече Јанчев.

Тој го сподели со нас коментарот на Германците дека Македонците многу малку пијат пиво, околу 35 литри на жител. Во Германија се пие по 140 литри по човек.